GIBUHIAN sa kadagatang sa Purok Gumamela, Barangay Poblacion, Kiamba, Sarangani ang 75 ka ba-o o sea turtle nga bag-ong napusa. Gipangunahan ni PCapt. Marcelino Nalus, station chief sa PNP Maritime sa Sarangani ug sakop Municipal Environment and Natural Resources (MENRO).
Matud sa MENRO, na-edukar na nila ang komunidad kalabut kalabut sa importansiya sa mga sea turtle o bao nga dunay ‘vital role’ sa ecosystem. Rason nga kung dunay bao nga makitang manganak, ang komunidad na mismo ang nagprotecting sa ‘nesting’ site sa Kiamba.
Pipila sa dapit sa maong munisipalidad ang nasuta nilang nesting sites sa bao base sa ilang monitoring kauban ang Environmental Protection and Conservation Center sa Sarangani. Base sa DENR Administrative Order No. 2019-09 o “Updated National List of Threatened Philippine Fauna and their Categories,” ang marine turtles ang gikonsiderang endangered species.
Ang pagdakop sa marine turtles, sama sa ubang wildlife species, ang gibawal ilawom sa Republic Act 9147o Wildlife Resources Conservation and Protection Act. I Richel Gubalani
Photo by PNP Maritime- Sarangani
