LEGAZPI CITY – Arestado an pito katawo makalihis na sakyadahon kan mga otoridad an ilegal na sugalan sa Brgy 1, Purok 2 kan Bacacay, Albay.
Tulong lalaki asin apat na babaye na mga residente kan naumbitang barangay an nadakop kan pulisya na nagpapartisipar inflagarante delicto sa kawat na “tong its”.
Antes isagibo an operasyon, nakaresibe nin apod an Bacacay MPS hale sa sarong concerned citizen manungod sa impormasyon nin pagsusugal.
Huli kaini, tulos nagsagibo nin operasyon an mga otoridad asin naabutan ninda an mga ini.
Narekober sainda an ginamit na baraha asin kwarta sa pagsusugal.
An mga inarestar, tulos man dinara sa hepatura kan pulisya para sa magkakanigong disposisyon.
