Inirereklamo ng isang 68-anyos na ginang ang dating live-in partner ng kanyang anak matapos umano siya nitong suntukin sa ulo sa Barangay San Isidro, Atimonan, Quezon.
Sa inisyal na imbestigasyon ng mga awtoridad, Hunyo 15 umano nang magtungo ang suspek sa bahay ng dati nitong partner at nagkaroon ng pagtatalo.
Nang marinig ng biktima ang away ay agad itong nagtungo sa bahay ng kanyang anak na katabi lamang ng kanyang tahanan at sinubukang awatin ang suspek subalit doon na siya sinuntok sa ulo.
Nagtamo ng injury ang biktima kung kaya isinugod ito sa hospital para malapatan ng lunas habang ang suspek naman ay agad na tumakas.
Sa ngayon, inihahanda ang reklamong Physical Injury laban sa naturang suspek.
