MISAKA na sa gatusan ka personahe sa Police Regional Office (PRO) 12 sa Soccsksargen region ang nagpositibo sa Covid-19.
Sa ulahing datus sa PRO-12 (as of July 26, 2021) nakatala na sila og 652 kinatibuk-ang ihap sa pulis nga nagpositibo sa virus. Asa naa sa 601 niini ang nakarekober gikan sa sakit samtang naa na lang sa 49 ang aktibong kaso sa virus.
Naa usab sa 47 katao pulis ang nabutang nagkadaiyang isolation facilities sa rehiyon samtang naa sa duha ang na-ospital. Matud ni Police Major Jenahmeel Toñacao, deputy Regional Community Affairs and Development Division (RCADD) sagad sa natakboyan sa virus ang asymptomatic o wala nakitaan og sintomas ug nabakunahan na sa karon.
Kahibaloan nga pipila ka presinto sa PRO-12 ang gipailawom sa lockdown human nagpositibo sa virus ang pipila ka personahe. Luyo niini, padayon sumala pa ang pagdayon sa kapulisan og taho ug mga reklamo gikan sa publiko sa lugar nga ginsakopan. ( Richel Gubalani)
