Patay ang usa ka lolo human gipusil sulod sa gisakyan niining bus samtang naglawig sa Purok 2 Barangay Guadalupe, Carmen, Davao del Norte kagahapong adlawa.
Ang biktima giila sa Carmen Municipal Police Station nga si Nonito Cabal, 65-anyos nga taga Pandan, Panabo City sa maong probinsya.
Sumala pa nga duha ka lalaki ang suspek sa maong krimen diin ang usa mitapad una kaniya ayha gipusil tumong sa iyang ulo.
Nasayran una nang nadunggan sa ubang pasahero nga nagpakilooy matud pa kini apan nahitabo gihapon ang krimen nga miresulta sa iyang kamatayon.
Sa pagkakarong ginaimbestigahan na sa kapolisan ang pagpusil sa biktima.
