NAKUMPISKA sa gipakusog nga kampanya batok loose firearms ang 63 nagkadaiyang kalibre nga armas sa 24 oras nga operasyon.
Sa datus sa Police Regional Office (PRO) 12 naa sa 63 illegal firearms ang naimbargo sa 24 oras nga operasyon sa tibuok Soccksargen. Sa pamahayag ni Police Col. Nicomedes Olaivar Jr., director sa General Santos City Police Office (GSCPO) tumong niini ang makonhuran ang krimen nga giganamitan og pusil.
Asa sa datus sa GSCPO naa sa 18 ka insidente sa pagpamusil-patay ang natala gikan Enero hangtud Mayo ning tuiga. Giangkon ni Olaivar Jr., nga dili nila i-deny nga dunay makalusot nga pusil nga makalusot sa GenSan hinungdan sa pagpakusog sa operasyon. Sama sa checkpoints, Oplan Kapkap bakal ug Sita nga paagi sa kapulisan nga pugngan ang pagsulot niini sa siyudad. I Richel Gubalani
