GIBITBIT sa kapulisan ang 85 katao dungan sa gipahigayon nga operasyon kontra-krimen sa Soccsksargen region.
Sa 85 katao nga nasikop, unom niini ang gikonsiderang most wanted persons sa regional level, usa sa provincial, 24 sa city ug municipal samtang 44 ang most wanted. Usa nasikop sa GenSan, si alyas Abdul dunay kasong kasong simple theft.
Matud ni Abdul, gikasuhan siya sa iyang mismong higala human niya gikuha ang alahas niini ug gipresenta tungod buot niining mabayaran ang iyang utang. Nagmahay man sulod sa selda sa San Isidro Police, wala nay mahimo ang nasangpit kung dili ang mangeta og P10, 000 nga pyansa.
Sa pamahayag ni Police Col. Nicomedes Olaivar Jr., director sa General Santos City Police Office (GSCPO) nakatabang ang matag bulan nga Simultaneous Anti- Criminality and Law Enforcement Operation. Ang aron makonhuran ang ihap sa natala nga krimen sa tibuok rehiyon. I Richel Gubalani
