LEGAZPI CITY – Inihayag ng Local Government Unit (LGU) Daraga na pormal nang binuksan ang animnapu’t tatlong day care development centers sa nasabing bayan para sa pagsisimula ng face to face classes.
Ayon sa lokal na pamahalaan ng Daraga, bago nagsimula ang klase ay nagsagawa muna ang Municipal Social Welfare and Development Office (MSWDO) ng “Bayanihang Makabata,” o ang sabay-sabay na aktibidad para sa paghahanda ng mga silid-aralan sa pagbubukas ng klase.
Ang hakbang na ito ay base sa Early Childhood Care and Development (ECCD) Council Advisory 8 series of 2022 na Safe Reopening of Early Childhood Education (ECE).
Maliban pa rito, nagsagawa rin ng monitoring ang MSWDO sa pamamagitan ng pagbisita sa mga child development centers upang masiguro na handa ang lahat sa pagpapatupad ng safety health protocols
