LEGAZPI-Preparado sangatan nin kaso kan Albay Power and Energy Corporation o APEC an sarong 61 anyos na lola kan Purok 8B, Martinez Subd., Brgy. Tigbi sa Tiwi, Albay makalihis na madiskubre na peke an piggamit na kaining electric meter.
An persona binistong si Edna Zepeda na residente kan nasambitan ng barangay.
Segun sa report, mismong si Mr. Roger Altitche Jr., Apprehension Officer kan APEC sa syudad kan Legazpi an nagkondusir kan inspeksyon sa nasambitan ng lugar.
Sa ngunyan, kinuha an metro ni lola Edna bilang ebedensya sa isasangat na kaso kontra digdi.
Pagbayolar sa RA 7832 “Anti-Pilferage Law” an posibleng kahampangon kaini.
