Maaari nang mag-renew ng expired na rehistro ng chainsaw sa lalawigan ng Palawan, ayon sa PCSD o Palawan Council for Sustainable Development.
Ayon kay PCSDS spokesperson Jovic Fabello, nakapaloob ito sa PCSDS resolution no. 22-799 kung saan binibigyan ng pagkakataon ang mga may-ari ng chainsaw na i-renew ang unit na walang penalty sa loob ng 60 araw.
Nagsimula ang amnestiya nitong January 20, 2022 na tatagal hanggang March 2022.
Sa pagtataya ng tanggapan ay aabot sa humigit- kumulang isang libo ang hindi rehistrado o ilegal na chainsaw ang mayroon sa Palawan ngayon.
Sinabi pa ni Fabello na dapat na samantalahin ng mga may-ari ang ibinigay na amnestiya.
