Arestado ang anom ka persona sakay sa duha ka sakayan pandagat matapos nadakpan sa akto sang mga otoridad nga nagapatigayon sang ilegal nga pagpangisda sa kalalawran nga sakop sang Panay, Capiz.
Ginkilala ang mga nadakpan nga sanday Glen Alcazaren, 38-anyos, boat captain; Joven Belowa, 28-anyos; Mike Buday, 38-anyos.
Samtang, dakop man sanday Robert Bones, 33-anyos, boat captain, Joshua Eraoga, 20-anyos kag Rey Banes, 32-anyos lunsay mga residente sang Barangay Barra, Roxas City.
Narekober sa mga nagkaladakpan ang 2 ka sakayan pandagat, makina, fishing paraphernalia kag ginabulubanta 20 kilos nga alimango.
Magapangatubang ang mga ini sang nagakaigo nga penalidad bangud sa paglapas sa Municipal Ordinance Number 03-02 series of 2003. Sa karon, nagapabilin pa ang mga ini sa Municipal Environment and Natural Resources Office (MENRO)-Panay para sa nagakaigo nga disposisyon. | Judy Ann Juare
