Posibli matud pa nga matandog ang nakagahin nga pundo sa nakahan-ay nga mga priority infrastructures projects sa Northern Mindanao gumikan nasab sa natala nga damyos sa imprastraktura tungod sa bagyong Odette.
Gibutyag ni National Economic and Development Authority Regional Office 10 Director Mylah Faye Cariño nga gitun-an pa karon ang pag-re-align sa nakatagana nga pundo sa mga priority projects aron magamit sa rehabilitation sa mga nadamyos sa kalamidad.
Gi-angkon sab niini nga nakapanukad na unta ang gobyerno sa pagpatuman sa infrastructure projects apan dako pa gihapon posibilidad nga ma-delatar ang pagkab-ot sa mga target timeframe sa pagtapos sa pundo tungod sa epekto sa bagyo.
Sa karon padayon ang Rapid Damage Assessment and Needs Analysis sa nagkadaiyang ahensya sa gobyerno aron masuta kung pila ang kinatibuk-an nga damyos sa bagyong Odette sa rehiyon.
Kahibaloan nga gimugna na ang rehabilitation and recovery plan sa Regional Disaster Riosk Reduction Management Council uban ang NEDA ug ubang ahensya sa gobyerno aron mahatagan gilayon sa sa interbensyon ang kadaot nga dala sa bagyong Odette sa Northern Mindanao. -END-(Claudine)
