Mukabat sa 6-million pesos nga kantidad sa gipalusot nga sibuyas ang nakompiska sa Bureau of Customs-Port of Cagayan de Oro sa Mindanao Container Terminal Sub-Port in Tagoloan, Misamis Oriental.
Ang shipment gi-deklara isip margarine gikan sa China ug naka-consigned sa Humility Trading.
Una niini nakadawat sa intelligence information ang otoridad kalabot sa smuggled shipment hinungdan nga mi-request ang BOC sa alert order batok sa maong kargamento.
Atol sa pagsuta sa duha ka container van, gideklarang margarine apan ang sulod niini mga red onions nga walay Sanitary Phytosanitary Import Clearance frgikan sa the Department of Agriculture.
Kahibaloan nga sukad niadtong Agosto ning tuiga ang port of CDO gipakusgan ang anti-smuggling operations batok sa agricultural products ug nakakompiska na og 200-million pesos nga kantidad sa smuggled onions. –END-
