Arestado ro 6 katawo sa ginkasa nga drug buy bust operation sa baeay it sambilog sa mga suspek sa Molo, Iloilo City ku Hunyo 13, 2023.
Ginkilaea ro mga naarestong high value individual nga sanday Glenn Deslate, 35yo; Gerald Gevero, 28yo; Jay Constantino, 37yo parehung residente it nasambit nga barangay, ag ro tatlong street level (SLI) individual nga sanday Estanislao Hinojales, 44yo; Eduardo Juatas, 25yo ag si John Vincent Gevero, 22yo.
Base sa Iloilo City Police Office, narekober sa mga suspek ro 16 sachets it suspected shabu nga may timbang nga 70 grams ag may market value nga P476,000.
Nakumpiska man ro sangka sachet nga may sueod nga marijuana dried leaves, sangka 9mm caliber revolver nga may limang live ammunition, sangka homemade 12-gauge shotgun, ag P15,000 nga ginamit bilang buy-bust money.
Kulong eon ro mga suspek sa Molo Police Station nga magapangatubang sa R.A. 9165 o Comprehensive Dangerous Drugs Act of 2002 ag R.A. 10591 o Firearms and Ammunition Regulation Act. // ANN DESLENE SALAZAR
