Swerteng walay nakabsan sa kinabuhi sa unom ka mga indibidwal nga naigo og kilat Sabado sa hapon, Abril 27, 2024 sa sudlonong bahin sa Sitio Macabol, Brgy Salaysay, Marilog District, ning syudad sa Davao City.
Giila sa Marilog PNP ang mga biktima nga sila Annabel Mendoza , 48 anyos, nga taga- Brgy Meocan, Arakan Cotabato, Albert Pagayao , 17 anyos Chino Pagalan, 8 anyos, Ernesto Pahulayan,42 anyos, Marily Mantiquilla, 34 anyos, Jessel Camparan Bayo, 18 anyos nga puros residente sa Brgy. Suawan
Saysay sa mga biktima nga mitambong sila og kasal sa nasangpit nga lugar sa dihang miigo ang kilat sa punoan sa lubi nga maoy hinungdan sa ilang pagka-angol.
Dali hinoon nga nakapangayo og rescue sa Central 911 ug daling gidala ang mga biktima sa Kibalang District Hospital sa Brgy Marilog, nings syudad aron nga gilayong madapatan og tambal.
