Nakatanggap ng kabuuang 48,000 pesos na halaga ng livelihood kits sa ilalim ng Livelihood Seeding Program-Negosyo Serbisyo sa Barangay (LSP-NSB) at Pangkabuhayan sa Pagbangon at Ginhawa (PPG) ng DTI Region 2 ang anim na benepisaryo mula sa bayan ng Mallig, Isabela.
Sa nakuhang impormasyon ng 92.9 Brigada News FM Cauayan mula sa DTI-Isabela, ang naturang programang ay makatutulong upang mabigyan ng prayoridad at maingat ang Negosyo ng Micro, Small, and Medium Enterprises (MSMEs) na apektado dahil sa kinakaharap na COVID-19 pandemic.
Sa pagsasalita ni Municipal Administrator Kareen Benitez, nagpasalamat siya sa naturang ahenya dahil sa patuloy na pagbibigay serbisyo upang matulungan at mapalago ang negosyo ng mga benepisaryo.
Kaugnay nito, napag-usapan din nina Admin Benitez at Chief Ellerie Ramel ng Business Development Division ng DTI Region 2 na magsasagawa ng pagsasanay kaugnay sa Barangay Micro Business Enterprise, Pagplano sa Negosyo at Simpleng Pagtala sa mga aklat ng mga kalakal.
Image: DTI Isabela
