KULUNGAN ang bagsak ng isang bigtime drug peddler ng magpositibo sa ikinasang Joint Sultan Kudarat MPS- Datu Odin Sinsuat MPS buy-bust operation bandang alas 3:30 nitong hapon ng Martes sa Koronadal- Cotabato highway na sakop ng Brgy. Awang Datu Odin Sinsuat, Maguindanao del Norte.
Kinilala ang suspek na si MORSALON TANTUNG, nasa hustong gulang at residente ng Brgy. Dalapang, Labangan, Zamboanga Del Sur.
Nakuha sa pag-iingat ng suspek ang abot sa 1,000 grams ng hinihinalang shabu na nagkakahalaga ng P6,800,000.00 kasama ng pera na ginamit sa operasyon.
Kasalukoyang hawak na ng mga otoridad ang suspek for documentation and proper disposition at posibleng maharap sa kasong may kauganyan sa pagbebenta ng iligal na droga.
