Nadagdagan na naman ang bilang ng mga nasasawi dahil sa Covid-19 sa lalawigan ng Sorsogon.
Naiulat nitong Sabado, Nobyembre 5 ang pinakahuling nasawi na isang 53- anyos na babae mula sa Barangay Abuyog, lungsod ng Sorsogon habang nairehistro pa ang 6 na indibidwal na nag positibo sa Covid-19.
Sa kasalukuyan, umaabot na sa kabuuang 487 ang total death toll ng lalawigan habang 26 naman ang nanatiling aktibong kaso at umaabot naman sa kabuuang 8,998 ang bilang ng indibidwal na tinamaan ng nasabing virus.
