LEGAZPI CITY – Dai pighahali kan PAGASA an posibilidad na mamatean liwat ngunyan na taon an labi sa 50°C na heat index.
Sa intrevista kan Brigada News FM Legazpi kay Ruth Pacala kan DOST-PAGASA Legazpi City, sinabi niya na an 52°C na heat index na namatean kan nakalihis na taon, pwedesir man giraray mairehistro ngunyan na 2024 huli ta papalaog na an tag-init.
Mientrastanto, tinawan-doon ni Pacala, kan Marso 2023 pa nagpuon an El Niño phenomenon sa nasyon asin ngunyan nasa weakening stage na ini.
Alagad mantang nasa weakening stage, dai maray mati huli ta papalaog na an nasyon sa dry season o tag-init orog na ngunyan na maabot an Semana Santa.
Pagirumdom ni Pacala, magin updated an gabos orog na ta dai paman tine-terminate kan PAGASA an amihan o northeast monsoon.
