Nakalabas na ng ospital ang limang pasahero ng isang bus na nasaktan matapos sumalpok sa railing ng MRT-3, Santolan south bound station kahapon.
Ito’y matapos na tangkaing umiwas ng bus sa isang police car na biglang pumasok sa EDSA Busway.
Ang limang pasahero ay nagtamo ng galos, bukol at matinding pagkahilo na agad naman nirespondehan ng ambulansya.
Paalala ng Department of Transportation (DOTr) sa mga authorized vehicle na papasok sa loob ng EDSA Busway, na maging ma-ingat dahil priyoridad pa din ang kaligtasan ng pasahero ng bus sa lahat ng oras
