Naghain ng kanilang petisyon para makapaglagak ng piyansa ang lima sa akusado sa pagkamatay ng hazing victim na si John Matthew Salilig.
Ayon sa panel of prosecutors, ang unang pagdinig sa petition for bail ay itinakda sa May 17.
Kahapon, isinagawa ang pre-trial sa inihaing kaso sa mga ito sa Biñan Regional Trial Court Branch 155.
Matatandaang sinampahan ng kasong paglabag sa Anti-Hazing Law ang mga miyembro ng Tau Gamma Phi fraternity na sina Earl Anthony Romero, Jerome Balot, Sandro Victorino, Michael Lambert Ritalde, Mark Pedrosa, master initiator Daniel Perry, at grand triskelion Tung Cheng Teng.//CA
