LIMA ka tulunghaan dinhi sa Davao City ang giindorso sa lokal nga panggamhanan sa Department of Education alang sa posibleng pagpahigayon sa face-to-face classes.
Sumala ni Davao City Mayor Sara Duterte-Carpio, ang gipili nga eskwelahan gisubay sa risk assessment o sitwasyon sa lugar nga ubos lang o walay natala nga kaso.
Dugang sa alkalde, lakip sa giindorso ang national high schools nga dunay senior high school program ang Dalagdag NHS sa Brgy. Dalagdag; G. Tajo NHS sa Brgy. Lampianao; Saloy NHS sa Brgy. Saloy apan magdepende kini sa DepEd.
Samtang sa elementarya with kinder mao ang Mabuhay ES sa Brgy. Mabuhay; Gumitan ES sa Brgy. Gumitan.
Apan usa sa mga gabayan sa pagpahigayon og F2F classes ang pagsiguro nga ddully vaccinated na ang mga mo-report nga teaching ug non-teaching personnel ug ang mga estudyante nga nag-edad 18-anyos pataas.
Lakip usab sa mga giya nga sundon mao ang shifting schedule ug 50% room capacity lakip nas ang paggamit sa SafeDavao QR (DQR) aron masiguro nga masunod ang health protocol.
Kahibaluang sa first batch sa face to face classes wala nalakip ang Davao City.
Kagahapon lang usabgipasalig sa Department of Health nga dunay contingency plan ang ahensya ugaling dunay magpositibo nga mga magtutudlo ug estudyante atol unya sa F2F Classes.
