LEGAZPI CITY – Isinagibo sa Albay an ikaapat na Regional Consultation kan National Broadband Plan (NBP) 2.0 kan Department of Information and Communications Technology (DICT) sa irarom kan administrasyon ni President Ferdinand “Bongbong” Marcos, Jr. sa Oriental Hotel, Legazpi City, kasuudma.
Segun kay National ICT Planning, Policy and Standard Bureau Director Maria Victoria Castro, an NBP 2.0 iyo an pagbubugtak nin mga fiber optic cable asin wireless technologies tanganing mapakarhay asin mapakaskas an internet sa nasyon.
Mientrastanto, target na makua an 300 MBPS na average download internet speed asin laoman na mai-connect sa internet an labi 70 million na mga Pilipino sa 2028.
Sa record kan DICT, abuton sana sa 100 MBPS an average download speed sa nasyon mantang nasa 35% o labi 40 million na mga Pilipino an nakagamit kaini kan 2023.
