Isasagawa ng Office of the Civil Defense (OCD) Bicol ngayong araw, Nobyembre 10, 2022, ang 4th quarter Nationwide Simultaneous Earthquake Drill.
Bawat lokal na pamahalaan ay kanya-kanyang magsasagawa ng kanilang aktibidad na may kaugnayan sa drill at maging ang iba pang mga ahensya ng gobyerno ay makikilahok din.
Ayon kay Gremil Naz, Regional Spokesperson ng OCD Bicol, inaanyayahan ang publiko na makiisa sa gawain, kung saan sabay-sabay isasagawa ang “duck, cover at hold.”
Layunin nitong palawakin pa ang partisipasyon ng iba’t ibang mga sektor pagdating sa paghahanda sa panganib at mga sakuna.
Ang gawaing ito ay malaking tulong din sa publiko dahil magkakaroon sila ng kaalaman kung ano ang mga dapat gawin tuwing may lindol.
