Mahimo na makaagum sang maayo kag komportable apang barato nga bulanan nga balay ang mga pumuluyo sang Tapaz sa igapatindog nga pabahay sa idalom sang Pambansang Pabahay Para sa Pilipino Housing (4PH) Program sang Department of Human Settlements and Urban Development (DHSUD).
Maluwas sa housing, ang 5-storey mid-rise building nga igatukod sa Barangay Daan Banwa ang pagalakipan sang swimming pool. parking area, event hall, basketball court, kag madamo pa nga amenities.
Mahimo naman makabisita ang mga interesado magkuha ukon mag-apply sa programa sa Municipal Economic Enterprise Office.| Frances Joy Preciosa
