BNFM News Desk
KABANKALAN CITY, Negros Occidental — Naglab-ot na sa 491 ka mga pamilya sa syudad sang Sipalay ang gin-bakwit bangud sang malain nga tyempo, adlaw sang Huwebes, Oktubre 24.
Sa datus nga ginbalhag sang City Social Welfare and Development Office (CSWDO) sang Sipalay, as of 10am, naglab ot sa 491 ka pamilya ukon 1,697 ka indibidwal ang nag evacuate sa nagkalain-lain nga evacuation centers sang siyudad bangud sa epekto ni tropical storm Kristine.
May mga relief packs naman nga nahatag ang ahensya sa mga apektado nga mga pamilya, lakip na ang paghatag sang mga hot meals.
Naga-preparar pa ang syudad sa tion nga madugangan pa ang ila number of evacuees, samtang padayon nga nagatupa ang mabaskog nga pag-ulan nga may dala nga mahinay tubtob mabaskog nga huyop sang hangin. — BNFM Kabankalan
