Umabot sa 45 insidente ng pagbaha at 14 na landslides ang naitala sa iba’t-ibang rehiyon dahil sa epekto ng Severe Tropical Storm Maring.
Sinabi ng NDRRMC na kasama ang Region 1, Region 2, MIMAROPA, Region 6, CARAGA, at CAR sa mga nakaranas ng pagbaha at landslides.
Kaugnay nito ay sinabi ng ahensya na meron 44 na kalsada at 10 tulay ang hindi madaanan sa mga apektadong lugar.
Naitala rin ng NDRRMC ang tinatayang nasa 48 siyudad at munisipalidad na nakaranas ng power interruption.
