Samad sa agtang ug tinigbasan sa abaga ang naangkon sa usa ka 44-anyos nga lalaki nga giila nga si Edgar Rebucas Rizado, minyo, laborer residente sa P-4 barangay San Isidro Trento, Agusan del Sur kini human nga gitigbas matud pa niadtong naka labayng adlaw alas dyes ang takna sa kagabhion gamit ang usa ka sundang.
Sutpitsado giila sa pangalang Miguel Didal Polinar, 35-anyos dunay kapuyo nga residente sa nahisgutang lugar. Sa inisyal nga imbestigasyon gikan sa Trento Municipal Police Station nag inom matud pa ang maong sutpitsado sa waiting shed nga bahin sa nahisgutang lugar ug kalit nga miabot ang maong biktima nga lango matud pa sa ilimnong makahubog ug nasuko nga diritso sumbag sa nawong sa sutpitsado.
Hinungdan nga walay langan nga mipa-uli kini sa ilang panimalay ug misunod ang maong biktima hinungdan nga gitigbas kini sa wala nga bahin sa agtang ug abaga nga miresulta sa dili tiaw niini nga nahiaguman. Human sa maong panghitabo dali gilayon kini nga gidala sa Valentina Galido Plaza Memorial Hospital ang maong biktima aron matambalan ang nahiaguman niining mga samad sa kalawasan. Samtang ang nahisgutang suspek bulontaryong mitahan sa mga otoridad nga inubanan sa barangay opisyal sa maong lugar lakip nga dala ang sundang niini nga kasamtangang gikustudiya sa Trento Municipal Police Station alang sa tukmang disposasyon.
