Patay ru sangka eaeaki matapos bun-on it gin ayat nga kaeapit baeay sa Bogainvilla St. Brgy. Andagao, Kalibo, Aklan kabie.
Sa initial nga imbistigasyon, nakilaea ru biktima nga si Jovanie Naral, 42 anyos ag residente it nasambit nga lugar.
Gin ayat ag gin sueod sigun it biktima ru compound it mga imbolbado sa krimen rason nga sumukoe ru mga ka tropa nga naga-inuman.
Una sigun nga pumaeopok it baril ru biktima ag tinamaan si Lindy Rebenito, 37 anyos nga sa makaron, hay naga pabilin nga confine sa hospital.
Samtang, temporaryong naka detain sa Kalibo MPS sandy Gene Moreno, 57 anyos, Joeven Rebinito 33 anyos, Rannie Boy Romero, 29 anyos ag Reynan Rebinito, tanan mga residente it nasambit nga lugar.
Na recover it mga kapulisan ru sangka 38 nga rebolver ag sangka mataeom nga hinangiban sa crime scene.
Samtang, padayon pa makaron ru follow-up investigation it mga kapulisan sa insidente.//MARIVIC Y. ILIN
