LEGAZPI CITY – Maabot sa 40,000 na mga turista an piglalaomang maruso sa probinsya kan Albay sa bulan nin Mayo nin huli sa pig-aabangan na kaenot-enoteng Hot Air Balloon Festival na gigibuhon sa Old Airport, Legazpi City.
Segun kay Department of Tourism (DOT) Bicol Spokesperson Rommel Natanauan, basado ini sa saindang eksperyensya sa ibang lugar na may siring na festival arog kan Clark, Pampanga.
Preparado naman an ahensya sa pag-akomodar sa mga turista huli ta may mga hotel an syudad asin kun kukulangon man, pwedesir sinda magpasiring sa Sorsogon asin Camarines Sur.
Piglaro kan ahensya, lilimitaran su boot an pwedesir na makalunad sa hot air balloons asin bako gabos makakaeksperyensya sa pagsakay digdi.
Photo: Rep. Zaldy Co