Muabot sa 40 ka tawo nga kritikal ang kahimtang tungod sa COVID-19 ang nabutang karon sa wait-listed sa Bukidnon Provincial Medical Center nga maoy COVID treatment facility sa lalawigan.
Gi-ingong anaa na sa ‘maximum capacity’ ang maong balay tambalanan tungod sa surge sa impeksyon sa lalawigan.
Ang tanan matud pa nga muabot nga mga pasyente ibutang sa waiting list, ug ayha pa kini ma-admit kung dunay bakante, o kung dunay makarekober ug makabsan sa kinabuhe. Dugang pa nga dili na basta-basta nga maka-refer ang maong hospital sa Northern Mindanao Medical Center dinhe sa Cagayan de Oro tungod puno nasab sa COVID-19 patients.
