NAGKATAAS ang listahan sa pulis nga gitaktak sa serbisyo ilawom sa Duterte administration tungod sa ‘grave offenses’ sa drug- related cases. Sa pamahayag sa Police Regional Office (PRO) 12 gikan July 2016 hangtud karon gikan sa kinatibuk-ang 73 pulis nga nadismissed sa serbisyo upat niini ang lambigit sa drug-related cases.
Human nagpositibo ang mga nasangpit sa gihimong random drug testing. Kahibaloan nga daghan ang misaway sa gilusad nga giyera kontra droga sa administrasyon ni Pangulong Rodrigo Duterte. Gatusan usab ang nasilotan dungan sa “less serious’ offenses nga nahimo sama sa pagka-demote sa rangko sa 13 ka pulis. Pagka-suspenso sa 174 samtang 22 ang gi-silotan og pagtiway o pag-forfeit sa sweldo.
Matud ni PRO-12 Brig. Gen. Alexander Tagum, kini aron ipahibalo sa publiko sa gihimo nilang “internal cleansing”. Human ang gipagula nga taho sa United States Department sa gituohang pagpangabuso nga gihimo sa security forces sa nasud. Wala’y lugar ang hiwi nga hinimoan sa kapulisan sa organisasyon, butyag ni Tagum. I Richel Gubalani
