KALIBO,AKLAN—Gin release eon ru ap-at (4) ka mga suspek sa pagpangloko sa pagbakae it coins ag mga alahas sa sangka nanay sa banwa’t Kalibo alas 3:20 kahapon it hapon Agosto 14.
Nakilaea ru mga suspek nga sanday Princess Salac, sa legal nga edad it Manila, Joyme Gamboa, Kelly Ann Manalili, ag Jade Padasas, tanan mga residente it Das Mariñas, Cavite.
Kun matandaan, naghatud it sariling kadaeakpan ru mga suspek matapos sumakay sa tricycle halin sa baeay it biktima ag gin deritso it tricycle driver sa Kalibo MPS.
Kasong Other Form of Deceit o pagpangloko sa isigkatawo ru gin pangatubang it mga suspek ag nagabalor it tag-Php15K ru pyansa sa kada individual.//MARIVIC Y. ILIN
