GIDAKOP sa Alabel PNP ang upat ka mga tawo nga sumala pa naaktuhan nga nagasugal Mayo 19 sa kasamtangan nga tuig.
Subay sa report sa Alabel Municipal Police Station ang gidakop silang Camilo, 55-anyos; Rico, 60-anyos; Billy, 47-anyos ug Nelson, 54-anyos nga pulos taga Alabel, Sarangani Province.
Gihimo ang Anti Illegal Gambling Operation sa Purok 5, Cogonal pasado alas kwatro sa hapon adlaw nga Dominggo.
Nakuha sa kapulisan ang usa ka set sa domino tiles ug ang kwarta nga gituohang pusta sa sugal nga mokabat sa kapin usa ka libo ka pesos.
Mayo 20 sa buntag gilayon nga gidala sa korte ang upat alang sa pormal nga pagpasaka og kaso sa kapulisan pinaagi sa inquest proceedings. I Ver Diazon
