Gina tutukan it Numancia MPS ru 4 ka mga persons of interest sa kasong pag patay kay Jack Mererague nga sangka collector nga gin putos it haboe ag gin itsa sa karsadahon it Brgy. Aliputos, Numancia, Aklan.
Sa interview it BRIGADA News FM Kalibo kay Police Corporal Arjorine Mendoza, imbistigador it Numancia MPS, naka guwa eon sa Aklan ru 4 ka mga persons of interest sa krimen.
Nakita it Numancia MPS ru top down nga gina sugid nga gin sakyan it mga persons of interest ag dayn gin abnadona sa Sitio Malingin Brgy. Camanci Norte, Numancia, Aklan.
Gina diskobre pa it mga otoridad ru haboe nga gin putos sa biktima ag kun ano ru madaeom nga motibo sa krimen.
Samtang, gin reklamo it pamilya Mererague ru mabuhay ag mahina nga imbistigasyon it Numancia MPS nga kunsiin, hugot man nga gin pamalibaran it nasambit nga police station.//MARIVIC Y. ILIN
