Giklaro sa Department of Health Regional Office 10 nga walay namatay sa bakuna sa rehiyon bisan man sa tibuok Pilipinas sukad sa pagsugod sa vaccination drive program sa nasod. Gitataw ni DOH-10 Local Health Support Division Chief Dr. David Mendoza nga bisan og dunay mga natala nga adverse event sa bakuna, walay namatay bisan usa.
Gihimo kini nga pamahayag sa DOH homan migawas ang isyu kalabot sa 4 ka miyembro sa usa ka pamilya sa Laguindingan, Misamis Oriental nga nakabsan sa kinabuhe nga unang midawat sa bakuna.
Sigun ni Dr. Mendoza nga namatay ang 4 ka indibidwal tungod COVID-19 infection basi nasab sa gihimong pagsubay sa Adverse Event Following Immunization committee sa buhatan.
Una nang gipasabot ni DOH-10 Research Epidemiology Surveillance and Disaster Response Unit Head Jasper Kent Ola ang posibling lugar o okasyon nga nataptan ang pamilya sa Laguindingan.
Sa karon, gipa-ilawom sa localized lockdown ang area kung nagpuyo ang nahisgutang pamilya homan dunay 20 ka mga aktibong kaso diin nakitaan kini sa clustering sa infection sa pamilya ug sa komunidad.
