Nisaad si Cebu Governor Gwendolyn Garcia nga hatagan og tag P1 milyon nga financial assistance ang upat ka mga local government unit sa isla sa Camotes.
Kini ang gipadayag ni Garcia atol sa pagtapos sa duha ka adlaw nga Suroy-suroy Sugbo Enchanting Camotes.
Matud ni Garcia nga ang maong financial assistance maoy reward sa upat ka lungsod nga mao ang Poro, Pilar, Tudela ug San Francisco sa ilang paningkamot alang sa malampuson nga programa.
Aduna usay kondisyon ang gobernmador nga kinahanglan nga ila kining igasto alang sa dugang kalamboan sa ilang tagsa-tagsa ka mga programa ug inisyatibo sa turismo.//
