Nagdangat sa P65,000 sa pangkabilugan ang gintugyan nga bulig pinansyal sang gobyerno probinsyal sang Capiz kag Department of the Interior and Local Government (DILG) sa 4 ka mga anay rebelde nga myembro sang New People’s Army nga nagbalik sa sabak sang gobyerno.
Ang paghatag sang nasambit nga ayuda ang sa idalom sang E-CLIP program ukon Enhance Comprehensive Local Integration Program sang gobyerno nasyunal nga nagatuyo nga buligan ang aton mga kauturan nga naga-upod sa CPP-NPA-NDF kag Militia ng Bayan nga luyag magbalik sa gobyerno kag komunidad agud magpangabuhi sang malinong kag matawhay kaupod ang ila pamilya.
Ginpangunahan naman ni Governor Fredenil Castro kaupod sanday DILG- Capiz Provincial Director Cherryl P. Tacda, PH Army BGEN. Michael Samson kag CPPO Provincial Director, PCOL Jerome Afuyog ang paghatag sang tseke sa apat ka mga resipyente.
Maluwas sa cash assistance, pagahatagan man sang trabaho ni Gov. Castro ang mga ini agud sa ila nga pangabuy-anan.
Ginpaalimton sang gobernador sa ila sini mga nangin kaupdanan sa kabukiran nga ang gobyerno ang indi nila kontra, ini ang nagapalangga kag nagaulingag sa ila tanan.
Lubos naman nga nagpasalamat ang mga rebel returnees sa liwat nga pagbaton sa ila kag nagpangayo sang pasaylo sa sala nga pagpati nahanungod sa gobyerno sang Pilipinas.
