Gibarugan sa usa ka labor group nga dili direktang makahupay sa kalisod sa katawhan ang sugyot balaodnon nga “four-day work week” dungan ning nagpadayon nga krisis sa pagtaas sa presyo sa produktong petrolyo.
Gibutyag ni Trade Union Congress of the Philippines Spokesperson Allan Tanjusay nga ang direktang makatabang sa katawhan mao ang pagpa-ubos sa presyo sa gasolina, pagkaon ug maghatag ang gobyerno sa tax exemption, pagtangtang sa excise tax sa fuel.
Gipasabot sab niini nga ang sugyot nga 4-day-work week magdepende sa kasabutan sa employer ug employee tungod kung ugali nga mapasar kini dili kini mandatory apan voluntary.
Dugang niini nga wala nagpasabot nga kung mapatuman ang maong sugyot makakunhod na kini sa galastuhon tungod ang mga tawo mugawas gayud sa panimalay.
