Wala nay kinabuhi nga naglutaw-lutaw sa dagat ang lawas sa usa ka 39-anyos nga lalaki sa kadagatan sa Brgy. Langtad, City of Naga, Cebu alas 10:47 sa buntag apan dul-an sa usa ka oras una pa kini na report sa kapulisan . Nadawat ang taho sa Naga Police Station alas 11:40 sa kagahapon sa buntag , Dominggo, Hulyo 21,2024.
Ang biktima giila nga si Almark Selbano Pelimer, minyo ug residente sa Upper Volta, Brgy. Pitalo, San Fernando, Cebu.
Sa inisyal nga imbestigasyon sa kapulisan sa Dakbayan sa Naga, nasayran nga usa ka Ariel Ybañez Lalican, 44-anyos ang paengon unta molangoy sa dagat apan nakurat dihang adunay nakitang naglutaw lutaw nga patayng lawas.
Dali ra usab nga giila sa mga kabanay ang biktima ug gipailawm sa otopsiya ang lawas niini aron masuta sa mga otoridad ang rason sa kamatayon niini. | Alan Tangcawan
