HAPIT na ma-expire ang 37 vials sa AstraZeneca, kini ang gikumpirma ni Dr. April Mae Maquilang, immunization coordinator sa GenSan.
Matud ni Dr. April Mae Maquilang, immunization coordinator sa siyudad sa Hunyo 30,2021 ma-expire ang maong brand sa bakuna. Apan duna nay naka-sked nga mga indibidwal sa Hunyo 16-18 nga modawat sa ilang ikaduhang dose sa AstraZeneca.
Ugaling dunay dili moabot sa ilang schedule ihatag kini sa nakalista nga modawat sa unang dose gikan sa priority group A1 hangtud A3. Ang 37 ka vials sa maong brand ssa vaccine ang mahimo nang makabakuna og naa sa 370 katao. Una nang, nagtuo ang Department of Health (DOH) central office nga luwas pang gamiton ang doses sa AstraZeneca bag-o ma-expire.
Ang 2,030,400 doses nga naa sa nasud nga hapit na ma-expire ang gikan sa donasyon sa global initiative COVAX, nadawat kini sa nasud atong Abril. Ang AstraZeneca vaccine mahimong ibakuna sa mga tao edad 18-anyos pataas nga dunay 12 ka semana ang gintang. ( Richel Gubalani)
