MISAKA na sa 36% ka personahe sa Police Regional Office (PRO) 12 ang nakadawat na og bakuna kontra Covid-19 gikan 2,000 kinatibuk-ang sakop.
Kini human nabakunahan ang naa sa 123 ka sakop sa Sarangani Police Provincial Office (SPP) ilawom sa PRO-12.
Una niini, sa gihatag ni PLt.Col. Maria Joyce Birrey, Assistant Division Chief sa Regional Community Affairs and Development Division (RCADD) ug Regional Public Information Office (RPIO) nga datus. As of August 18 sa kasamtangang tuig nakatala og kinatibuk-ang 813 Covid-19 cases ang PRO-12. Asa naa na lang sa 58 ang aktibong kaso samtang unom ang narekord nga Covid-19 related death, 752 ang nakarekober ug naa sa 51 ang naa pa sa quarantine facility ug pito ang naa sa ospital.
Butyag ni Birrey, kanunay ang pahinumdom ni Brig. Gen. Michael John Dubria, regional director sa PRO-12 sa mga sakop nga padayon ang pagsunod sa health protocols aron makalikay sa virus.
Giawhag usab sa opisyal ang tanang mga sakop nga magbakuna batok sa Covid-19. ( Richel Gubalani)
