PAGPAMILI sa brand sa bakuna kontra Covid-19 sa pipila ang usa sa pabiling hagit sa vaccination drive sa gobyerno.
Matud ni Arjhon Gangoso, tigpamaba sa Department of Health (DOH) 12 kung walay mibalidad nga indibidwal nga lakip sa priority list mas taas pa ang porsyento o ihap sa eligible population sa Soccsksargen nga bakunado na karon.
Subling nanawagan si Gangoso sa publiko nga ang labing maayong bakuna mao ang mga brand nga ‘available’ karon sa rehiyon. Angayang makapabakuna ang tanan aron makab-ot na sa rehiyon ang population protection batok sa virus samtang padayon ang pagsunod sa mga gipatumang minimum public health standards.
Sa Soccsksargen, target bakunahan ang naa na sa 657,586 katao nga lakip sa A1 o frontline health care workers hangtud eligible groups. Apan karon naa pa lang sa 54.37% o 357,508 ka indibidwal ang ‘fully vaccinated’. Samtang padayon karon ang masterlisting sa eligible group ilawom sa A4 priority list.
Pipila ka brand sa bakuna nga naa sa rehiyon mao ang Sinovac, Sputnik, AstraZeneca, Janssen, Pfizer BioNtech ug pipila ka Moderna vaccine. ( Richel Gubalani)
