INILABAS na ang isang nilagdaang resolusyon ng League of Municipalities of the Philippines – Maguindanao Chapter na nagpapakita ng suporta sa panukalang pagpapaliban ng eleksyon sa Bangsamoro Autonomous Region in Muslim Mindanao o BARMM.
Makikita sa mga pinirmahang resolusyong ito ang lagda ng 36 na mga alkalde mula sa probinsya ng Maguindanao na hayagang sumusuporta sa extension ng BTA.
Sa ngayon mas dumarami pa ang grupo o organisasyon na nagpapahayag ng pagsang-ayon sa isinusulong na BTA extension dahil sa paniniwalang kulang pa ang tatlong taon upang maimplementa ang lahat ng mga naging kasunduan ng MILF at Pamahalaan.
Matatandaang nabuo ang bagong tatag na rehiyon (BARMM) mula sa higit apatnapung taon na pakikibaka ng MILF hanggang sa pumasok sa pag-uusap at nagkasundo sa gobyerno ng Pilipinas na pinagtibay ng Bangsamoro Organic Law o BOL.
