Nagdangat na sa 35 ka mga kabarangayan sa probinsya ang sa karon may clustering sang dengue, base sa datos gikan sa Provincial Health Office as of morbidity week 30, humalin Enero 1 tubtob Hunyo 27.
Sa nasambitan nga numero, siyam ang gikan sa Roxas City, lima ang gikan sa Sigma kag Dumarao, apat gikan sa Panitan, tatlo sa Dumalag, duha sa Tapaz, Maayon, kag Sapi-an. kag tag isa sa Dao, Panay kag Mambusao.
Dugang pa, nagsaka sa 933 ang kabug-osan nga kaso sang nasambit nga balatian, mas mataas sang 127.01% kun ikumparar sa 411 nga kaso sang nagligad nga tuig.
