MOKABAT sa 33,000 aspirant ang naka-file na sa ilang certificates of candidacy (COCs) alang sa taliabot nga barangay ug sangguniang kabataan elections (BSKE), base sa Commission on elections.
Sa datus sa Comelec sa Soccsksargen, sa kinatibuk-a naa sa 33,277 ang naka-file og COC gikan Agosto 28 hangtud 30. Sa maong ihap, naa sa 2,589 ang mopapili isip kapitan, 19,997 alang sa barangay kagawad, 2,169 alang sa pagka-SK chairman samtang 8,522 ang sa pagka- SK councilors.
Mas daghan usab ang lalaki nga mopapili sa maong mga posisyon tandi sa female aspirant. Matud ni Atty. Jose Villanueva, assistant director sa Comelec- 12, nagpahimangno kini sa mga naka-file na og COC batok premature campaigning, asa ang mapatud-ang nakasupak ang mahimong mapreso.
Samtang sa kaso sa pagpamusil patay sa usa ka aspirant pagka- barangay kapitan sa Midsayap, North cotabato, butyag niini nahitabo kini bag-o ang election period hinungdan dili kini ma-kwalipika isip election-related incident. I Richel Gubalani
