Naitala ng Department of Interior and Local Government (DILG) ang nasa 40,875 inmates o persons deprived of liberty (PDLs) na nakakulong sa iba’t-ibang detention facilities ng Bureau of Jail Management and Penology (BJMP), na fully vaccinated na laban sa COVID-19.
Ayon sa DILG, ang mga nabakuhang inmates ay binubuo ng 33 percent ng 123,499 PDLs sa BJMP jail facilities na fully immunized laban sa coronavirus.
Samantala, 75,970 o 61.5 percent ng PDLs ang nakatanggap na ng kanilang first dose.
Ayon kay Interior Secretary Eduardo Año , ang pagprotekta sa PDLs sa pamamagitan ng pagbabakuna ay nasa puso sa mandato ng BJMP na panatilihing ligtas at tiyakin ang kanilang kapakanan.
Dagdag ni Año, bilang bahagi ng kanilang commitment, hindi umano sila titigil hanggang sa lahat ng mga kakakulong sa BJMP-supervised jails ay magiging fully vaccinated. //MHEL PACIA-TRINIDAD
