Patay na sang masapwan ang hublas nga lawas sang 33-anyos nga lalaki takna alas 7:45 sa aga, Agosto 15, sa Malinao River, Barangay Daan Banwa, Tapaz, Capiz.
Ginkilala ang biktima kay Jobert Giganto Garganera alyas ‘Inggat’, soltero, kag residente sang Barangay Poblacion sa nasambit nga banwa.
Sandig sa impormasyon nagikan sa Tapaz MPS, ginapahayag nga nakit-an sang isa ka residente ang bangkay ni Garganera nga nagakulob sa tunga sang nasambit nga suba.
Natukiban, nga wala man sang pilas sa lawas ang biktima kag yara na sa advance state of decomposition ang bankay.
Sa karon, nagapabilin sa isa ka punerarya ang bankay ni Garganera kag natalana nga ipaidalom sa post mortem examination para mahibaluan ang gintunaan sang iya kamatayon. | KMD Gicalde
