Nagdungka ru may kapin sa 310 nga mga pasahero halin sa guwa’t nasyon sakay it Windstar Cruises Star Breeze sa isla it Boracay kahapon.
Sa fb post it Boracay-Malay Tourism Office, gin welcome it pilang ka mga opisyal it probinsya’t Aklan ru mga turista.
Bilang tanda it appreciation it Kapitan it barkong Windstar Cruises Star Breeze, sangka plaque of appreciation ru gin tao it Kapitan it barko sa representative it Province of Aklan, LGU-Malay Municipal Tourism Office ag pilang ka mga department.
Naga pati ru lokal nga pamunu-an it Aklan nga naga balik eon ru huyog it mga turista sa isla it Boracay kapin pa nga gina patuman eon ru bag-o nga regulasyon sa pagbakasyon sa isla.//MARIVIC Y. ILIN
