300 ka mga estudyante sang CPSU, ginpaidalum sa basic range safety training sang militar

-Reymund Titong

KABANKALAN CITY, Negros Occidental — Ginpaidalum sa basic range safety ang 300 tanan ka estudaynte sang Central Philippines State University nga nagakuha sang Bachelor of Science in Criminal Justice Education nga kurso.

Ang basic range safety nga training ang ginlakipan sang pahibalo sang mga estudyante sa mga klase sang armas, paano mag gamit sang armas, kag basic shooting skills.

Nalakip man sa training ang pag pa-ambit sang impormasyon tuhoy sa mandato sang ahensya sa pag-mintimar sang kalinong sang pungsod.

Pahayag ni Lieutenant Colonel Van Donald Almonte, commanding officer sang 94th Infantry Battalion, ang nasambit nga partisipasyon sang militar ang bunga sang ila mabakod nga kolaborasyon sa institusyon nga importante sa pag-hanas sa mga estudyante nga mangin responsibli nga mga Pilipino.*

Leave a Reply

Your email address will not be published. Required fields are marked *